Lamkin
No: 93; variant: 93N
- LAMKIN was as gude a mason
as ever biggit stone;
He biggit Laird Earie's house,
and payment he got none.
- O it fell ance upon a day
Laird Earie went from home,
And Lamkin came cravin
his lady alone.
- 'O far's the laird o this place?
O neerice, tell me:'
'He's on the sea sailin,
O Lamkin,' said she.
- 'O far's the lady o this place?
neerice, tell me:'
'She's up the stair dressin,
O Lamkin,' said she.
- 'O far's the bairns o this place?
neerice, tell me:'
'The're at the scheel . .
O Lamkin,' said she.
'O will I get a word o her,
neerice?' said he.
- The first step that lady steppet
she steppd on a stone;
The next step that lady stept
she met wi Lamkin.
- Ere the basin was washen,
or haf made clean,
The ladie's heart-bleed
was rinnin in the reem.