Lamkin
No: 93; variant: 93M
- BUT it fell out upon a day
Lord Wearie was to gae frae hame,
And he has left his lady gay
In his castell to stay her lane.
- Lamkin rocked,
and fausse nourice sang,
And a' the four tors o the cradle
red blood sprang.
- 'O still my bairn, nourice,
O still him wi the wan:
'He winna still, lady,
for a' his father's lan.'
- 'O still my bairn, nourice,
O still him wi the keys:
'He winna still, lady,
for a' his father's leys.'
- 'O still my bairn, nourice,
O still him wi the pap:'
'He winna still, lady,
for this nor for that.'
- 'O still my bairn, nourice,
O still him wi the bell:
'He winna still, lady,
untill ye cum down yersell.'
- The firsten step she steppet,
she stepped on a stane,
And the nexten step she stepped,
she keppit him fause Lamkin.
- The thirden step she steppit,
she saw her young son's red blood run on,
. . . . .
. . . . .
- 'Ye've killed my bairn, Lamkin,
but lat mysell be;
Ye'se be as weel payit a mason
as was ever payd a fee.'