- The king sits in Dumferling town, Drinking the blood red wine: O 'Where will I get a good skipper, To sail seven ships o mine?' O Where will, etc'p
- O up then spake a bra young man, And a bra young man was he: 'Sir Andrew Wood is the best skipper That ever saild the sea.'
- The king has written a bra letter, And seald it wi his hand, And ordered Sir Andrew Wood To come at his command.
- 'O wha is this, or wha is that, Has tauld the king o me? For had he been a better man, He might ha tauld a lee.'
- As I came in by the Inch, Inch, Inch, I heard an auld man weep: 'Sir Andrew Wood and a' his men Are drowned in the deep''
- O lang lang may yon ladies stand, Their fans into their hands, Before they see Sir Andrew Wood Come sailing to dry land.
- O laith laith were our Scottish lords To weit their cork-heeled shoon; But ere that a' the play was plaid, They wat their heads aboon.
- Nore-east, nore-west frae Aberdeen Is fifty fanthom deep, And there lies good Sir Andrew Wood, And a' the Scottish fleet.
No: 58; variant: 58D
Source: Motherwell's MS., p. 496, communicated by Kirkpatrick Sharpe.