The Earl of Aboyne
No: 235; variant: 235E
- 'MY maidens fair, yoursels prepare.'
- You may weel knaw by her hair, wi the diamonds sae rare,
That the Earl of Aboyne was comin.
- 'My minstrels all, be at my call,
Haud a' your rooms a ringin,
. . . .
For the Earl of Aboyne is comin.'
- 'Tomorrow soud hae been my bonnie waddin-day,
If I had staid in London.'
- She turned her aboot wi an angry look,
An sic an angry woman!
'Gin tomorrow soud hae been your bonnie waddin-day,
Gae back to your miss in Lunnon.'
- For mony a day an year that lady lived in care,
An doctors wi her dealin,
Till just in a crack her very heart did brak,
An her letters went on to Lunnon.
- There waur four-and-twenty o the noblest lords
That Lonnon could aford him,
A' clead in black frae the saidle to the hat,
To convey the corpse o Peggy Ewan.
- 'I'd rather hae lost a' the lands o Aboyne
Than lost my pretty Peggy Ewan.'