The Bonny Lass of Anglesley
No: 220; variant: 220A
- OUR king he has a secret to tell,
And ay well keepit it must be:
The English lords are coming down
To dance and win the victory.
- Our king has cry'd a noble cry,
And ay well keepit it must be:
'Gar saddle ye, and bring to me
The bonny lass of Anglesey.'
- Up she starts, as white as the milk,
Between him and his company:
What is the thing I hae to ask,
If I sould win the victory?'
- 'Fifteen ploughs but and a mill
I gie thee till the day thou die,
And the fairest knight in a' my court
To chuse thy husband for to be.'
- She's taen the fifteen lord[s] by the hand,
Saying, 'Will ye come dance with me?'
But on the morn at ten o'clock
They gave it oer most shamefully.
- Up then rais the fifteenth lord----
I wat an angry man was he----
Laid by frae him his belt and sword,
And to the floor gaed manfully.
- He said, 'My feet shall be my dead
Before she win the victory;'
But before 'twas ten o'clock at night
He gaed it oer as shamefully.