No: 12; variant: 12O
- 'O WHERE hae ye been a' the day, my wee wee croodlin doo doo?
O where hae ye been a' the day, my bonnie wee croodlin doo?'
'O I hae been to my step-mammie's; mak my bed, mammy, noo, noo,
Mak my bed, mammy, noo!'
- 'O what did yere step-mammie gie to you?' etc.
'She gied to me a wee wee fish,' etc.
- '[O] what did she boil the wee fishie in?'
'O she boiled it in a wee wee pan; it turned baith black an blue, blue,
It turned baith black an blue.'
- 'An what did she gie the banes o't to?'
'O she gied them to a wee wee dog;' mak, etc.
- 'An what did the wee wee doggie do then?'
'O it put out its tongue and its feet, an it deed; an sae maun I do, noo, noo,
An sae maun I do noo!'