Johnie Cock
No: 114; variant: 114I
- JOHNIE rose up in a May morning,
Called for water to wash his hands, hands
And he is awa to Braidisbanks,
To ding the dun deer down. down
To ding the dun deer down
- Johnie lookit east, and Johnie lookit west,
And it's lang before the sun,
And there he did spy the dun deer lie,
Beneath a bush of brume.
- Johnie shot, and the dun deer lap,
And he's woundit her in the side;
Out then spake his sister's son,
'And the neist will lay her pride.'
- They've eaten sae meikle o the gude venison,
And they've drunken sae muckle o the blude,
That they've fallen into as sound a sleep
As gif that they were dead.
- 'It's doun, and it's doun, and it's doun, doun,
And it's doun amang the scrogs,
And there ye'll espy twa bonnie boys lie,
Asleep amang their dogs.'
- They waukened Johnie out o his sleep,
And he's drawn to him his coat:
'My fingers five, save me alive,
And a stout heart fail me not!'