No: 225; variant: 225J
- FROM Drunkie in the Highlands,
With four and twenty men,
Rob Oig is cam, a lady fair
To carry from the plain.
- Glengyle and James with him are cam,
To steal Jean Mitchell’s dauchter,
And they have borne her far away,
To haud his house in order.
- And he has taen Jean Key’s white hand,
And torn her grass-green sleeve,
And rudely tyed her on his horse,
At her friends asked nae leave.
- They rode till they cam to Ballyshine,
At Ballyshine they tarried;
Nae time he gave her to be dressed,
In cotton gown her married.
- Three held her up before the priest,
Four carried her to bed, O;
Wi watery eyes and mournfu sighs
She in bed wi Rob was laid, O.
- ‘Haud far awa from me, Rob Oig,
Haud far awa from me!
Before I lose my maidenhead,
I’ll try my strength with thee.’
- She’s torn the cap from off her head
And thrown it to the way,
But ere she lost her maidenhead
She fought with him till day.
- ‘Wae fa, Rob Oig, upon your head,
For you have ravished me,
And taen from me my maidenhead;
O would that I could dee!’
- ‘My father he is Rob Roy called,
And he has cows and ewes,
And you are now my wedded wife,
And can nae longer chuse.’